الاثنين، 19 سبتمبر، 2011

كلمات اغنية التغريبة حمزة نمرة

التغريبة او تذكرتي رايح جاي - حمزة نمرة

طعم البعاد صبار والغربة ليل بهتان
يا قلبي يا موجوع اياك تكون قلقان

لو طالت المسافات انا والامل اخوات
وتالتنا كان الليل
دا انا ليا فيها النيل - وليها فيا الروح
ما اخترتش اني اروح - ما انا جوعي كان كفران
ملعون ابوك يا طموح - اخرك تشوفني كفيل
لكني مش قلقان
تذكرتي رايح جاي

طعم البعاد صبار والغربة ليل بهتان
يا قلبي يا موجوع اياك تكون قلقان

انا مش في بلدي عويل - لكني مش بتشاف
زهرة سنيني عجاف - مع ان ليا عزيز
افتوني في رؤياي - لموا الاماني ازاي
حطوها ع البسبور - احلامي صبحت بور
ممنوع عليها الضي
لكني مش قلقان
تذكرتي رايح جاي

البعد عنك خوف - وانا ع الرجوع ملهوف
لكن هعود ازاي - ومكاني كله ضيوف
يا قلبي يا موجوع -  يا اهه حضنه ضلوع
حب البلد بيعيش - لما يموت الجوع
 
يا حضن بيساعني - احتجته باعني
ساعة ما مد ايديه - شاور وودعني
لكني مش قلقان
تذكرتي رايح جاي

0 التعليقات:

إرسال تعليق


تسطتيع كزائر اضافة رد .. بدون اي قيود .. تشرفنا برأيك جدا .. كلمات الاغاني (RandaHappy)